WhatsApp ಮುಖ್ಯಸ್ಥರಾಗಿ CRED ಸಂಸ್ಥಾಪಕ ಕುನಾಲ್ ಶಾ ನೇಮಕ

CRED ಸಂಸ್ಥಾಪಕ ಕುನಾಲ್‌ ಶಾ (Kunal Shah) ಅವರನ್ನು ವಾಟ್ಸಪ್‌ (WhatsApp) ಮುಖ್ಯಸ್ಥರನ್ನಾಗಿ ನೇಮಿಸಲಾಗಿದೆ. ಮೆಟಾ ಪ್ಲಾಟ್‌ಫಾರ್ಮ್ಸ್, ಸ್ಟಾರ್ಟ್‌ಅಪ್‌ನ ಸರಣಿ H ನಿಧಿಯ ಸುತ್ತಿನ ಭಾಗವಾಗಿ CRED ನಲ್ಲಿ 900 ಮಿಲಿಯನ್ ಡಾಲರ್‌ (ಸರಿಸುಮಾರು 8,550 ಕೋಟಿ ರೂ.) ಹೂಡಿಕೆ ಮಾಡಿದೆ. ಅದೇ ಒಪ್ಪಂದದ ಭಾಗವಾಗಿ, CRED ಸಂಸ್ಥಾಪಕ ಕುನಾಲ್ ಶಾ ಅವರನ್ನು ವಾಟ್ಸಾಪ್‌ನ ಹೊಸ ಮುಖ್ಯಸ್ಥರನ್ನಾಗಿ ನೇಮಿಸಲಾಗಿದೆ. ಏಳು ವರ್ಷಗಳ ಕಾಲ ಮೆಸೇಜಿಂಗ್ ಪ್ಲಾಟ್‌ಫಾರ್ಮ್ ಅನ್ನು ಮುನ್ನಡೆಸಿದ್ದ ವಿಲ್ ಕ್ಯಾತ್‌ಕಾರ್ಟ್ ಅವರ ನಂತರ ಕುನಾಲ್ ನೇಮಕಗೊಂಡಿದ್ದಾರೆ.‌

ಒಪ್ಪಂದದ ನಿಯಮಗಳ ಅಡಿಯಲ್ಲಿ, CRED ನಲ್ಲಿ ಸರಿಸುಮಾರು ಶೇ.20 ರಷ್ಟು ಮೈನಾರಿಟಿ ಸ್ಟೇಕ್‌ನ್ನು ಮೆಟಾ ಸ್ವಾಧೀನಪಡಿಸಿಕೊಳ್ಳಲಿದೆ. ಈ ಹೂಡಿಕೆಯಿಂದ ಕಂಪನಿಯ ಮೌಲ್ಯ ಸುಮಾರು 4.5 ಬಿಲಿಯನ್ ಡಾಲರ್‌ (ಅಂದಾಜು 43,239 ಕೋಟಿ ರೂ.) ಆಗಲಿದೆ. ಈ ನಿಧಿಯು ಪ್ರಾಥಮಿಕ ಮತ್ತು ದ್ವಿತೀಯ ಷೇರು ಖರೀದಿಗಳ ಸಂಯೋಜನೆಯಾಗಿದೆ.

CRED ನ ಸಿಇಒ ಹುದ್ದೆಯಿಂದ ಕುನಾಲ್‌ ಶಾ ಕೆಳಗಿಳಿದು ಮೆಟಾದ ಜಾಗತಿಕ ನಾಯಕತ್ವ ತಂಡವನ್ನು ಸೇರಲಿದ್ದಾರೆ. ಕೃತಕ ಬುದ್ಧಿಮತ್ತೆ ಉಪಕ್ರಮಗಳ ಮೇಲೆ ಗಮನ ಕೇಂದ್ರೀಕರಿಸಿ ಕ್ಯಾತ್‌ಕಾರ್ಟ್‌ ಹೊರನಡೆದಿದ್ದಾರೆ. ಆ ಸ್ಥಾನಕ್ಕೆ ಕುನಾಲ್‌ ಎಂಟ್ರಿ ಕೊಟ್ಟಿದ್ದಾರೆ.

ವಾಟ್ಸಾಪ್ ಅನ್ನು ಅದರ ಮುಂದಿನ ಹಂತದ ಬೆಳವಣಿಗೆಯ ಮೂಲಕ ಮುನ್ನಡೆಸುವ ಜವಾಬ್ದಾರಿಯನ್ನು ಶಾ ವಹಿಸಲಿದ್ದಾರೆ ಎಂದು ಮೆಟಾ ಹೇಳಿದೆ. ಜಾಹೀರಾತು ಮತ್ತು ಚಂದಾದಾರಿಕೆ ಉತ್ಪನ್ನಗಳ ಮೂಲಕ ಆದಾಯವನ್ನು ಹೆಚ್ಚಿಸುವುದರ ಜೊತೆಗೆ AI ಏಜೆಂಟ್‌ಗಳನ್ನು ಪ್ಲಾಟ್‌ಫಾರ್ಮ್‌ನಲ್ಲಿ ಸಂಯೋಜಿಸುವತ್ತ ಒತ್ತು ನೀಡಲಾಗುತ್ತದೆ.

Related Articles

Stay Connected

0FansLike
0FollowersFollow
0SubscribersSubscribe
- Advertisement -spot_img

Latest Articles