ಕುರಿ ಕಾಯುವ ಹುಡುಗ ಈಗ ಫುಟ್‌ಬಾಲ್‌ ಹೀರೋ

ಇರಾನ್ ರಾಷ್ಟ್ರೀಯ ಫುಟ್‌ಬಾಲ್ ತಂಡದ ಖ್ಯಾತ ಗೋಲ್‌ಕೀಪರ್ ಅಲಿರೆಜಾ ಬೈರಾನ್‌ವಾಂಡ್ ಅವರ ಜೀವನ ಕಥೆ ಯಾವುದೇ ಸಿನಿಮಾ ಕಥೆಗಿಂತ ಏನು ಕಮ್ಮಿಯಿಲ್ಲ. ಅತ್ಯಂತ ಬಡತನದ ಹಿನ್ನೆಲೆಯಿಂದ ಬಂದು, ಇಂದು ವಿಶ್ವದ ಅತ್ಯುತ್ತಮ ಗೋಲ್‌ಕೀಪರ್‌ಗಳಲ್ಲಿ ಒಬ್ಬರಾಗಿ ಬೆಳೆದ ಅವರ ರೋಚಕ ಪಯಣದ ವಿವರ ಇಲ್ಲಿದೆ ನೋಡಿ.

ಇರಾನ್‌ನ ಲೊರೆಸ್ತಾನ್ ಪ್ರಾಂತ್ಯದ ಅತ್ಯಂತ ಬಡ ಅಲೆಮಾರಿ ಕುರ್ದಿಶ್ ಕುಟುಂಬದಲ್ಲಿ ಜನಿಸಿದ ಅಲಿರೆಜಾ ಅವರ ಬಾಲ್ಯ ಕುರಿಗಳನ್ನು ಕಾಯುವುದರಲ್ಲೇ ಕಳೆಯಿತು. ಅವರಿಗೆ ಫುಟ್‌ಬಾಲ್ ಆಡುವುದೆಂದರೆ ಪಂಚಪ್ರಾಣ. ಆದರೆ ಬಡತನದ ಕಾರಣದಿಂದಾಗಿ ತಂದೆಗೆ ಮಗ ಫುಟ್‌ಬಾಲ್ ಆಡುವುದು ಇಷ್ಟವಿರಲಿಲ್ಲ. ಆಟ ಆಡುವುದು ಸಮಯದ ವ್ಯರ್ಥ ಎಂದು ಭಾವಿಸಿದ್ದ ತಂದೆ ಒಮ್ಮೆ ಕೋಪದಲ್ಲಿ ಅಲಿರೆಜಾ ಅವರ ಫುಟ್‌ಬಾಲ್ ಉಡುಪು ಮತ್ತು ಗ್ಲೌಸ್‌ಗಳನ್ನು ಹರಿದು ಹಾಕಿದ್ದರು. ಆದರೆ ಆಟದ ಮೇಲಿನ ಛಲ ಬಿಡದ ಅಲಿರೆಜಾ ಬರಿಗೈಯಲ್ಲೇ ಗೋಲುಗಳನ್ನು ತಡೆಯುವ ಅಭ್ಯಾಸ ಮುಂದುವರೆಸಿದರು.

2026ರ ಫಿಫಾ ವಿಶ್ವಕಪ್ ಮುಖಾಮುಖಿಯಲ್ಲಿ ಬೆಲ್ಜಿಯಂ ವಿರುದ್ಧ ಇರಾನ್ ತಂಡವು 0-0 ಗೋಲುಗಳ ರೋಚಕ ಡ್ರಾ ಸಾಧಿಸುವಲ್ಲಿ ಯಶಸ್ವಿಯಾಗಿದೆ. ಈ ಪಂದ್ಯದಲ್ಲಿ ಇರಾನ್ ತಂಡದ ಗೋಲ್‌ಕೀಪರ್ ಅಲಿರೆಜಾ ಬೈರಾನ್‌ವಾಂಡ್ ಅವರು ಅದ್ಭುತ ಪ್ರದರ್ಶನದ ಮೂಲಕ ಇಡೀ ವಿಶ್ವವೇ ತಮ್ಮತ್ತ ತಿರುಗಿ ನೋಡುವಂತೆ ಮಾಡಿದ್ದಾರೆ. ಬೆಲ್ಜಿಯಂನಂತಹ ಬಲಿಷ್ಠ ತಂಡದ ಮಾರಕ ಗೋಲ್‌ಗಳನ್ನು ಹೆದರದೆ ತಡೆದು ನಿಂತ ಬೈರಾನ್‌ವಾಂಡ್, ಇರಾನ್ ಪಾಲಿಗೆ ರಕ್ಷಣಾ ಗೋಡೆಯಾಗಿ ನಿಂತರು. ಈ ಅಸಾಧಾರಣ ಪ್ರದರ್ಶನದ ಮೂಲಕ ಅವರು ಜಾಗತಿಕ ಫುಟ್‌ಬಾಲ್ ವಲಯದಲ್ಲಿ ಮತ್ತೊಮ್ಮೆ ತಮ್ಮ ಛಾಪು ಮೂಡಿಸಿದ್ದಾರೆ.

Related Articles

Stay Connected

0FansLike
0FollowersFollow
0SubscribersSubscribe
- Advertisement -spot_img

Latest Articles